ОРАЛ. 11 қаңтар. ҚазАқпарат - БҚО-ның Зеленов ауданында 2012 жылы өндірілген өнім көлемі алдыңғы жылмен салыстырғанда, 1,9 есеге өсіп, 131,9 млрд. теңгеге жетті.
Аудан әкімі Марат Оңғарбековтің айтуынша, соның ішінде өнеркәсіп өнімінің көлемі - 121,5 млрд. теңге, бұл 2011 жылғыдан 2 есеге артық. Сондай-ақ 10 млрд. 469,3 млн. теңге ауыл шаруашылығы өнімі өндіріліп, өсу қарқыны 34,2 пайызды құрады.
2012 жылға бекітілген бюджет көлемі (қайта қаралғанын ескергенде) 4 млрд. 547 млн. теңгеге жетсе, соның 1 млрд. 597 млн. теңгесі - ауданның қаражаты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).