ОРАЛ. 30 қаңтар. ҚазАқпарат - «Жұмыспен қамту - 2020» бағдарламасының үшінші бағыты бойынша Зеленов ауданында 2013 жылы 56 млн. теңгеге 8 үй салынбақ.
Аудан әкімінің орынбасары Гүлнәз Құлжанованың айтуынша, Переметный мен Дариян ауылдарында төрт үйден бой көтермек. Бұл үйлерге экономиикалық жағынан болашағы жоқ елді мекендер тұрғындары орналасатын болады.
Аталмыш бағдарламаның бірінші бағытына өткен жылы 68 адам қатысса, 59 адам кәсіби біліктілігін арттыруға жіберілді. Бағдарламаның екінші бағытына сәйкес 40 несие серіктестігі (206 адам) 500 млн. теңге несие алып, оны мал және өсімдік шаруашылығын дамытуға, қызмет ету орындарын ашуға жұмсады. Бұл бағыттағы жұмыстар биыл да жалғасады.
Бағдарламаның төртінші бағыты бойынша өткен жылы Махамбет ауылындағы орта мектеп пен Көшімдегі дәрігерлік амбулатория күрделі жөндеуден өткізіліп, 66 жаңа жұмыс орны ашылған болатын. Биыл Переметный кентінде №1 музыка мектебі мен балабақшаны күрделі жөндеп, 38 жұмыс орнын ашу көзделіп отыр.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).