ОРАЛ. Қаңтардың 7-сі. ҚазАқпарат /Ғайсағали Ералы/ - БҚО-ның Зеленов ауданындағы Чиров ауылына газ келді,
деп хабарлайды ҚазАқпарат тілшісі.
Бұл мақсатқа 86 млн. теңге бөлінген. Он үш шақырымдық газ құбыры құрылысын «Газкотломонтаж» ЖШС (басшысы Олег Соколов) бір айдан аса мерзімде салып бітірді. Қазіргі кезде ауылдағы 112 үйдің 72-сі «көгілдір отынға» қосылуға дайын.
Чиров ? газ қосылған соңғы ауылдық округ орталығы. Ауданда 78 елді мекеннің 46-сына газ жеткізілген.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).