ОРАЛ. 15 қаңтар. ҚазАқпарат - Зеленов ауданы Мичурин ауылының тұрғыны Татьяна Стрельцова ғасыр тойын тойлады.
1913 жылы 12 қаңтарда Орынбор облысы Молгачи ауылында дүниеге келген Татьяна Федоровна жастайынан өмір тауқыметін көп көрген. Сұрапыл соғыс жылдарында ері соғысқа аттанған кезде тұңғыш ұлын тәрбиелеп, тылда еңбек етеді. 1946 жылы ері Николай елге оралғасын еңбекке араласып, төрт бала тәрбиелеп өсіріп, оқытады.
Белсенді еңбегімен елге танылған Татьяна Федоровна 1968 жылдан зейнет демалысында. Бірнеше медальмен марапатталған.
Ғасыр төріндегі қайсар ананы Мичурин ауылдық округі әкімі Бекқали Бержанов құттықтап, сый-сияпат жасады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).