Жамбыл облысында пара алған тергеуші 3 жылға сотталды
05:01, 27 Қазан 2015
АСТАНА. ҚазАқпарат - Тұрар Рысқұлов аудандық сотында ҚР Қылмыстық кодексінің 366-бабының 2-бөлімімен (заңсыз іс-әрекеті үшін пара алу) айыпталған Т.Рысқұлов АІІБ-нің тергеушісі Жарылқасын Өкенге қатысты қылмыстық іс қаралды. Бұл туралы Жамбыл облыстық сотының баспасөз қызметінен хабарлады.
Ж. Өкен лауазымды адам бола тұра 400 000 теңге мөлшерінде ақша пара алғаны сотпен анықталды. Аталған қаржыны ол бөтеннің мүлкін жасырын ұрлаған К.М-ның ұлын қылмыстық жауапкершілікке тарптау үшін талап еткен.
Сот үкімі бойынша Ж. Өкен ҚР ҚК 366-бабының 2-бөлімімен кінәлі деп танылып, жеке мүлкі тәркіленіп, мемлекеттік қызметте және құқық қорғау органдарында қызмет атқару құқынан өмір бойына айырып үш жылға бас бостандығынан айыру жазасы тағайындалды.
Сот үкімі заңды күшіне енген жоқ.