Бұл туралы бүгін ҚР Үкімет басшысы Кәрім Мәсімов аталған министрліктің алқа мәжілісінде айтты.
Премьер-Министрдің айтуынша, Үкімет бағарламаның барлық бағыттарын жүзеге асыру аясында өздігінше жұмыспен қамтылған халықтың мәселесін түбегейлі шешпек.
Алқа мәжісінде негізгі баяндама жасаған Еңбек және халықты әлеуметтік қорғау министрі Г.Әбдіқалықова: «Еңбекке тартылған халық құрылымында өздігінше жұмыспен қамтылғандар үлесі мол. Өткен жылдың соңында олардың саны 2,7 миллион адамды құрады, оның 1,3 миллионы өз кәсібімен айналысады», - деді.
Ведомство басшысының атап өтуінше, аталған отбасылардың табыстары тұрақсыз әрі жоғары емес, сондай-ақ олардың біразы әлеуметтік жағынан қорғалмаған да.