АСТАНА. ҚазАқпарат - Шахматтан ФИДЕ (WGP) әйелдер арасындағы Гран-при жарысының бірінші кезеңі тоғызыншы турында қазақстандық Бибісара Асаубаева мен Жансая Әбдімәлік кезекті ойынын тең нәтижемен аяқтады, деп хабарлайды ҚазАқпарат тілшісі.
Аталған сайыстың тоғызыншы турында Жансая Гран-при үздігі ресейлік Александра Горячкина, Бибісара германиялық Динара Вагнермен кездесті.
Жансаямен тең ойыннан кейін ресейлік шахматшы бірінші орыннан төмен түсті.
Гран-при жарысында қос шахматшымыздың еншісінде 1 жеңіс, 6 тең ойын және 2 жеңіліс бар. Жансая жетінші орнын сақтап қалса, Биібсара оныншы орыннан сегізінші орынға көтерілді.
28 қыркүйекте Жансая турнирдің тағы бір үздігі - ресейлік Екатерина Лагномен кездессе, Бибісара германиялық Элизабет Петцпен шеберлік байқасады.
Еске салсақ, бұдан бұрын сегізінші тур нәтижесін хабарлаған едік.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.