Жапондық жәндіктер Еуропаны арамшөптен құтқарады

АСТАНА. Наурыздың 10-ы. ҚазАқпарат - Еуропаның аймағына арамшөптермен күресу үшін тарихта бірінші рет шетелдік жәндіктер әкелінбекші, деп хабарлады «Маяк» радиосы.

Бүгінгі таңда көк шегіртке сияқты кішкентай жәндіктер - «итадори» қауіпсіздік үшін карантинде тестілеуден өтуде. Күншығыс елінің жәндіктері Англияға ХІХ ғасырдың ортасында экзотикалық сәндік үшін әкелінген жапондық шырмауықтың бір түрі болып табылатын арамшөппен күресетін болады. Бұл өсімдік бетонды да оп-оңай тесіп шығып, жол жабынына елеулі зиян келтіріп отыр.