АСТАНА. 21 сәуір. ҚазАқпарат - Жапонияға тиесілі Идзу аралында, Токионың оңтүстігінде Тынық мұхитында қуаты 6,1 балдық жер сілкінісі тіркелді.
АҚШ Геологиялық қызметінің хабарлауынша, жер сілкінісі жексенбі күні жергілікті уақыт бойынша сағат 12:22-де Хатидзедзима аралының оңтүстік-батысына қарай 360 шақырым жерде орын алған. Зілзала ошағы мұхит астында, 424 шақырым жерде.
Цунами қаупі туралы хабарланған жоқ. Зардап шеккендер мен қирандылар туралы ақпарат таратылмады.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.