ОРАЛ. 2 желтоқсан. ҚазАқпарат /Елжан Ералы/ - Ел тәуелсіздігінің 20 жылдығына арналған облыстық тарихи-өлкетану мұражайында қолға алынған «Жауқазын» облыстық көрмесін Бөрлі ауданы оқушылары қорытындылады.
Көрменің ашылу салтанатына қатысқан аудан әкімі Болат Шәкімов өңірде балалардың шығармашылық қабілетін дамытуға барлық жағдайдың жасалғандығын атап өтті. Талантты балалар саны жыл санап өсіп келеді. Қазіргі таңда аудандық мектептен тыс жұмыс орталығында 11 үйірмеде 475 бала өз шеберліктерін шыңдауда.
Көрмеге қойылған бөрлілік жас дарындардың жұмысы әртүрлілігімен ерекшеленеді. Әсіресе, Динара Аманғалиева, Асқар Азат, Ақерке Базарғалиева және басқаларды айтуға болады.
«Жауқазын» көрмесі 8 желтоқсанда қорытындыланып, облыс бойынша жиырма ең үздік дарынды балалар анықталатын болады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).