ОРАЛ. 15 қараша. ҚазАқпарат /Елжан Ералы/ - Батыс Қазақстан облыстық «Орал өңірі» және «Приуралье» газеттерін біріктіретін «Жайық Пресс» ЖШС-інде «Нұр Отан» ХДП бастауыш ұйымы құрылды. Ұйым төрағасы болып бас директор Жантас Сафуллин сайланды.
«Нұр Отан» ХДП облыстық филиалының ұйымдастыру және партиялық жұмыс бөлімінің меңгерушісі Серік Дәулетов пен «Нұр Отан» ХДП қалалық филиалы төрағасының бірінші орынбасары Асланбек Сарқұлов 15 қарашада «Жайық Пресс» ЖШС-інде еңбек ететін партияның жаңа мүшелеріне партия билетін салтанатты жағдайда табыстады. Сөйтіп «Жайық Пресс» ЖШС-ініңң 21 қызметкері «Нұр Отан» партиясының мүшесі атанды.
Халық арасында жоғары беделге ие партияның құрамында бүгінгі таңда облыс бойынша 28444 адам, 322 бастауыш партия ұйымы бар.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).