АСТАНА. KAZINFORM — Қазақстандық теннисші Жібек Құламбаева жұптық сында Нави-Мумбай (Үндістан) ITF W50 турнирінің ширек финалына шықты.
Жарыстың 2-ракеткалары болып тіркелген қазақстандық теннисші мен үндістандық Шривалли Бхамидипати алғашқы айналымда қиналған жоқ.
Ж.Құламбаева — Ш. Бхамидипати корт иелері Шехаль Мане — Сонал Патилды оңай жеңді.
Екі партияда да 6:2 есебі тіркелді.
Ойын небәрі 53 минутқа созылды.
Қазақстандық-үндістандық жұп жартылай финалға шығу үшін таилықтар Тхасапорн Накло — Буньяви Тамчайватпен шеберлік таластырады.
Еске сала кетейік, бұдан бұрын Жібек Құламбаеваның Үндістандағы жарыстың ширек финалына жолдама алғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).