ОРАЛ. 16 қараша. ҚазАқпарат /Елжан Ералы/ - Орал қалалық прокуратурасы «Орал қалалық мемлекеттік санитарлық-эпидемиологиялық қадағалау басқармасы» ММ-нің (МСЭҚБ) қызметінде кәсіпкерлерді негізсіз жоспардан тыс тексерулер жүргізу және тұлғаларды әкімшілік жауапкершілікке заңсыз тартудың көптеген фактілерін анықтады.
Облыс прокуратурасынан түскен мәліметке қарағанда, МСЭҚБ мамандары 18 жеке кәсіпкерді санитарлық-эпидемиологиялық талаптардың сақталуына қатысты негізсіз тексеріп, кейін ҚР ӘҚБтК-нің 323-бабымен әкімшілік жауапкершілікке тартқан.
Тексерудің қорытындысы бойынша қалалық прокуратура БҚО мемлекеттік санитарлық-эпидемиологиялық қадағалау департаментіне заң бұзушылықты жою туралы ұсыныс енгізіп, соның нәтижесінде МСЭҚБ бастығына ескерту беріліп, сыбайлас жемқорлыққа жағдай туғызатын құқық бұзушылық жасағаны үшін үш жетекші маман қызметіне толық сәйкес еместігі туралы тәртіптік жауапкершілікке тартылды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).