ОРАЛ. 29 желтоқсан. ҚазАқпарат /Елжан Ералы/ - БҚО-да жаяу жүргіншіні қағып кетіп, бой тасалаудың 17 фактісі тіркеліп отыр, осы оқиғалардың салдарынан 3 адам қаза тауып, 14 жарақат алған.
Облыстық жол полициясы басқармасының баспасөз қызметінен түскен мәліметке қарағанда, жаяу жүргіншіні қағып кетудің 4 фактісі ашылмай отыр. Мәселен, 25 желтоқсан күні Оралда алдын ала болжам бойынша "Ниссан Максима" автокөлігін айдаған жүргізуші 06.00 сағат шамасында 1942 жылғы Василий Мартяжкинді қағып кеткен. Ол сол оқиға орнында көз жұмған. Қазіргі кезде аталмыш автокөлік пен жүргізуші іздестірілуде.
Өңірде жол-көлік оқиғаларының басым көпшілігі жаяу жүргіншілерге қатысты болып отыр. Атап айтқанда, биылғы он бір айда 139 жол апатынан 27 жаяу жүргінші мерт болып, 117-сі жарақат алған. Бұл өткен жылғыдан едәуір көп, 2010 жылы осы мерзімде 93 оқиғадан 16 жүргінші қайтыс болып, 79-ы жарақаттанған еді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).