Париж-2024: Әбиба үшінші айналымда қарсыласына жол берді

ПАРИЖ. KAZINFORM – Дзюдодан әйелдер арасында Әбиба Әбужақынова Олимпиада ойындарының үшінші айналымында қарсыласына жол берді. Осылайша ол жартылай финалға өте алмады.

Нақтырақ айтар болсақ, 48 келі салмақта сынға түскен отандасымыз испаниялық дзюдошы Лаура Мартинес Абеландадан жеңіліп қалды. 

Енді Әбиба жұбаныш белдесуінде күресуі мүмкін. 

Фото: Тұрар Қазанғапов

Айта кетейік, Әбиба Әбужақынова бірінші белдесуінде Израиль балуаны Сара Ришониді Waza-Ari ұпайымен жеңсе, екінші кезеңде Тайпей спортшысы Чен-Хао Линнің жауырынын 17 секундта жер иіскетті.