ОРАЛ. 9 шілде. ҚазАқпарат - БҚО Қаратөбе ауданы Қалдығайты ауылында «Алтынай» тойханасы ашылды.
«Жұмыспен қамту - 2020» бағдарламасына сәйкес жеңілдетілген несие алып, сәулетті де салтанатты тойхана ғимаратын салып бітірген жергілікті кәсіпкер Әлихан Ақмамбетов Астана қаласының 15 жылдық мерейтойына осындай тарту жасады.
Ғимараттың ашылуымен аудан әкімі Асхат Шахаров құттықтап, мұның елорда тойымен тұспа-тұс келгендігін атап өтті.
«Алтынай» тойханасы арнайы тапсырыс бойынша бір мезгілде 250 мейманды қабылдай алады.
«Қазіргі заман талабына сай тойхана ашу мақсаты бұдан екі жыл бұрын ойға келген болатын. Елбасының сындарлы саясатының арқасында мемлекеттік бағдарламаны пайдалана отырып, жеңілдетілген пайызбен 4,5 млн. теңге алып, іске кірістім», - деді Ә.Ақмамбетов.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).