ОРАЛ. 13 тамыз. ҚазАқпарат - Өткен жылдан бастап қолға алынған «Жұмыспен қамту - 2020» бағдарламасы ауыл тұрғындары үшін де жаңа мүмкіндіктерге жол ашты.
Аталмыш бағдарламаның екінші бағыты бойынша Қаратөбе ауданы Қалдығайты ауылының тұрғыны Ерболсын Қожантаев «Нұршуақ - 2012» атты несие серіктестігін құрып, 2 миллион теңге алып, жұмыстануда.
Алға қойған мақсаты - жергілікті халық тұтынатын үй жиһаздары, пластикалық терезе жасау жұмыстарымен шұғылдану. «Мемлекеттік «Жұмыспен қамту - 2020» бағдарламасымен толықтай танысып шықтым. Керекті құрал-жабдықтар алып, жұмысымды бастадым. Ауыл тұрғындары тарапынан алғашқы тапсырыстарды да қабылдадым. Пластик терезеге тапсырыс берушілерге өлшеміне қарай бағалары да әр түрлі. Қызметіме інім қолғабысын тигізуде. Ісім өрге басып жатса, кәсібімді кеңейту ойымда бар», - дейді Ерболсын Айсәуірұлы.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).