АСТАНА. ҚазАқпарат - Бүгін Орталық коммуникациялар қызметіндегі брифингте ҚР Ішкі істер министрі Қалмұханбет Қасымов жүргізушілер полиция қызметкерімен арадағы әңгімені бейне таспаға түсіре алатынын айтты.
Брифинг барысында «жүргізушілер полицеймен арадағы әңгімені ұялы телефонға жаза ала ма?» деген тілшілердің сауалына Қ. Қасымов бұндай әркетке тыйым салынбайтындығын атап өтті.
«Неге болмайды? Жазсын. Ешкім ешқандай тыйым салмайды. Алайда, біздің қызметкерлерге бұл тек прокурордың санкциясымен рұқсат етіледі», - деді министр.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.