ОРАЛ. ҚазАқпарат - БҚО кардиологиялық орталығында биыл жыл басынан бері 35 науқастың жүрегіне ота жасалды.
Аталмыш аурухананың кардиохирургі Руслан Аюповтың айтуынша, соның ішінде 25 адамға коронарлық шунттау жасалды. Сондай-ақ 10 адамның қан тамырлары кеселі алынды. Ота жасау кезінде өміріне үлкен қауіп төнуі мүмкін болған науқастар Астана қаласындағы Ұлттық ғылыми кардиологиялық орталыққа жіберіледі.
2013 жылы БҚО кардиологиялық орталығында жүрекке барлығы 148 ота жасалса, соның 104-і жоспарлы, ал 44 емделуші шұғыл жатқызылды. Қан тамырлары аурулары бойынша 74 ота жасалды. Бір жылда жүрек сырқаты бар 931 адам қабылданды. Бұл ретте әсіресе, жүкті әйелдерге ерекше көңіл бөлінеді.
«Елбасы Жолдауында айтылғанындай, ең басты мақсат - адам өмірін барынша ұзарту», - деді Р.Аюпов.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).