АСТАНА. 6 желтоқсан. ҚазАқпарат - Елорданың өнеркәсіп секторының 82,3%-ы өңдеуші және электрмен жабдықтаушы кәсіпорындардан тұрады. Биылғы жылдың басынан бері Астананың кейбір өнеркәсіп салаларында өнім өндіру көлемі ұлғайған. Бұл туралы қалалық Кәсіпкерлік және өнеркәсіп басқармасы хабарлайды.
Мәселен, металлургия (181,6%), химия өнеркәсібі (150%), баспа және қосалқы материалдар өндірісінде (103,8%), киімде (102%) өнім өндірудің өскендігі байқалады.
Сонымен қатар, қағаз (36%), жиһаз (32,2%), резина және пластмасса бұйымдары (18,2%), азық-түлік тағамдары (1,7%), сусындар (5,1%) және тағы да басқа салаларда өндірілетін өнімдердің көлемінде төмендеу орын алды.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.