Зидан мен Кака Гаитиді қолдау үшін қайырымдылық ойынын ойнайды

АСТАНА. Қаңтардың 19-ы. ҚазАқпарат - Мансабын 2006 жылы аяқтаған, Франция құрамасының құрамында әлем чемпионы болған Зинедин Зидан және Мадрид «Реалының» бразилиялық жартылай қорғаушысы Кака қайырымдылық матчын ойнайды, одан түскен қаражат Гаитидегі зілзала салдарынан зардап шеккендерді қалпына келтіруге жұмсалады,

деп хабарлайды ҚазАқпарат Associated Press сайтына сілтеме жасап.

Португалияның «Бенфика» футбол клубы БҰҰ-мен бірігіп ұйымдастыратын қайырымдылық ойыны қаңтардың 25-інде Лиссабонда «Эштадиу да Луж» (Estadio da Luz) стадионында өтеді. Зиданмен және Какамен бір командада әлемдік футболдың бұрынғы жұлдыздары ойнайды. Олардың ішінде чех Павел Недвед пен испаниялық Фернандо Йерро бар. Зидан командасының қарсыласы «Бенфиканың» бұрынғы және қазіргі жұлдыздарынан жасақталған құрама болмақшы.