2013-2014 жылдары жаһандық экономикалық жүйеде қайтадан дағдарыс болуы мүмкін - Н. Назарбаев
АСТАНА. 14 желтоқсан. ҚазАқпарат - Әлемдік экономика шыға қоймаған 2007-2008 жылдардағы дағдарыстың жалғасын байқаудамыз. Бүгін «Астана Опера» жаңа мемлекеттік опера және балет театрында Тәуелсіздік күніне арналған салтанатты жиында Қазақстан халқына жолдауында Елбасы Нұрсұлтан Назарбаев осылай айтты.
Әлемдік дағдарыстың жаңа толқынының қауіп-қатеріне тоқталған Елбасы, «біз қазір әлемдік экономика шыға қоймаған 2007-2008 жылдардағы дағдарыстың жалғасын байқаудамыз. 2013-2014 жылдары жаһандық экономикалық жүйе қайтадан күрделі тоқырауға ұшырауы мүмкін. Оның ішінде шикізатқа әлемдік бағалардың құлдырауы ықтимал. Бұл өз кезегінде бізге өте қолайсыз әсер ету мүмкін», - деді.
Сондықтан да Президент Қазақстан да қамданып, аталған қатерлерді түсіне біліп, сондай-ақ оны еңсеру керектігін қадап айтты.
