22 талапкер Ғылым министрлігіне қарсы арыз берген
АСТАНА. KAZINFORM – Жоғары балл жинағанымен мемлекеттік білім грантына ие бола алмаған 22 талапкер Ғылым министрлігіне қарсы арыз берген. Бұл туралы Ақордада Ғылым және жоғары білім министрі Саясат Нұрбек айтты.
«Ғылым және жоғары білім министрлігіне 22 арыз түсті. Бірінші азаматтың арызы соттың шешімімен бірден қайтарылды. Неге десеңіз, талапкер мемлекетті гранттың иесі. Жалпы, іс өз-өзінен тоқтатылды. Қазіргі таңда Астана әкімшілік сотында белсенді тек бір іс қарастырылып жатыр. 19 қыркүйек күні соттың бірінші отырысы өтеді. Алайда, сол сотқа берген талапкер Нархоз университетінің де, мемлекеттің де грантын алған. Енді тек соттың шешімімін күтеміз», – деді ол.
Сонымен қатар министр елімізді мемлекеттік білім гранттарын бөлу тетігі ашық екендігін баса айтты.
Осыған дейін Саясат Нұрбектің түркі әлемінің ортақ әліпбиі комиссиясының 34 әріптен тұратын әліпби үлгісіне қатысты қабылдаған келісімі саяси шешім емес екендігін айтқанын жаздық.
