Әбу-Дабиде ҚР мен БАӘ арасындағы дипломатиялық қарым-қатынас орнатылуының жиырма жылдығына орай «дөңгелек үстел» өтті
Шараға БАӘ-нің көрнекті қоғам, саяси қайраткерлері, сарапшылар, журналистер мен дипломатиялық корпус өкілдері қатысты. Таяу Шығыстың жетекші сарапшылық қауымдастығы болып табылатын стратегиялық зерттеу және талдау орталығында меймандар үшін екіжақты қарым-қатынас тарихынан сыр шертетін арнайы фотокөрме ұйымдастырылды.
Екіжақты қарым-қатынастар тақырыбы бойынша ҚР-ның БАӘ-гі Төтенше және Өкілетті Елшісі Асқар Мусинов пен ҚР Сыртқы істер министрлігінің Сыртқы саяси талдау және жоспарлау комитетінің төрағасы Сержан Әбдікәрімов арнайы баяндамалар оқыды. Әмірліктер тарапынан Орталықазиялық қарым-қатынастар департаменті басшысының орынбасары Сұлтан Мұхаммед Әлмарри сөз сөйледі.
Сұлтан Мұхаммед Әлмарри Әмірліктердің Қазақстан Республикасымен қарым-қатынастарды одан әрі жан-жақты нығайта түсу мүддесін атап көрсетті.
Әмірлік өкілі Қазақстан Орталық Азияның көшбасшысы болып табылатындығын және Әбу-Даби мен Астананың дипломатиялық байланыстарын араб әлемі мен еуразиялық құрылық арасындағы берік көпір ретінде санауға болатындығын атап өтті.