Адамдар өздерінің азаматтық борышын орындар болса, онда ұрлықтың ашылу пайызы жоғары болар еді - И.Меркель

АСТАНА. 7 қазан. ҚазАқпарат - Адамдар өздерінің азаматтық борышын орындар болса, онда ұрлықтың ашылу пайызы жоғары болар еді. «КТК» телеарнасы «Халық қызметшісі» бағдарламасының қонағы болған ҚР Бас прокурорының бірінші орынбасары Иоган Меркель осылай деді.

«Қылмыс құрылымының 70 пайыздан астамын ұрлық құрайды. Шетелде де ұрлық өте жақсы ашылмайды. Пайызы өте жоғары емес. Адамдар өздерінің азаматтық борышын орындар болса, онда ол біршама жоғары болар еді. Көргендерінің бәрін айтып берсе, органдардың жұмыстары да жеңілдейді. өйткені органдар ұрлық жасаған кезде олардың қасында болмайды ғой. Куәгерлердің айғағымен мұны дәлелдемейінше, адамды тұтқындауға болмайды», - деді И.Меркель.