Афиныда ЕҚЫҰ төрағалығы Қазақстанға тапсырылды

;АСТАНА.  Желтоқсанның  3-і. ҚазАқпарат  -   Афиныда  өткен Еуропадағы қауіпсіздік  және ынтымақтастық  ұйымы Сыртқы  істер министрлері  кеңесінің 17-ші  мәжілісінде  грек   тарапы     Ұйымға   өз төрағалығын қорытындылап,      өкілеттікті Қазақстанға табыс етті.

 Осылайша  Қазақстан   Президенті   Нұрсұлтан  Назарбаевтың әлемдік  саяси   сахнадағы   беделі    тағы да    қуатталды.     Қазақстан  Республикасының   Президенті   осынау   бастамашылық табысты жүзеге асуы  үшін   бар күш-жігерін жұмсады.   ЕҚЫҰ төрағалығына Қазақстанның  кандидатурасын     Ұйымға мүше  барлық 56  ел   мақұлдады.

 Н.Назарбаевтың  басшылығымен   «Еуропаға жол» бағдарламасы,  басқа да ықпалдастық   бастамалар  әзірленіп,    жүзеге асырылуда.         Қазақстан  Президенті 2010   жылы Астанада  ЕҚЫҰ саммитін өткізу  идеясын  ұсынғаны  да баршаға аян.