16:37, 13 Қаңтар 2010 | GMT +5
Ақбасты елді мекенінде телефон желісі іске қосылды
ҚЫЗЫЛОРДА. Қаңтардың 13-і. ҚазАқпарат (Руслан Игілік) - «Қазақтелеком» акционерлік қоғамы Арал ауданындағы Ақбасты елді мекені тұрғындарына тамаша тарту жасады,

деп хабарлайды ҚазАқпарат тілшісі.
Арал ауданы орталығынан 250 шақырым қашықта орналасқан ауылда байланыс бұрын жалғыз рация арқылы жүзеге асырылып келді. Енді мұндағы 75 үйдің тұрғындары еліміздің кез келген нүктесімен қиналмай байланысқа шығуға мүмкіндік алды. Бұл жұмыстарға байланысшылар 15 млн. 624 мың теңге қаржы жұмсады.