Ақмарал Науатбек – XVII жазғы Паралимпия ойындарының жеңімпазы

ПАРИЖ. KAZINFORM – Пара дзюдодан 48 кг салмақ дәрежесінде (J2 санаты) белдескен Ақмарал Науатбек Париж Паралимпиадасының жеңімпазы атанды. 

Ақмарал
Фото: Туризм және спорт министрлігі

Отандасымыз финалда Франция өкілі Сандрина Мартинеден басым түсіп, алтын жүлдеге қол жеткізді. 

Чемпион
Фото: Туризм және спорт министрлігі

Ақмарал Париж татамиінің жартылай финалында түркиялық Джахиде Екені, ширек финалда үндістандық Кокиланы иппонмен жеңген еді. 

Ақмарал
Фото: туризм және спорт министрлігі

Еске сала кетейік, бұған дейін пара дзюдошы Ақмарал Науатбектің Паралимпиаданың финалында бақ сынайтынын жазған едік. Сондай-ақ кеше ел қоржынына алғашқы алтын жүлде түсті. Оны пауэрлифтингтен 54 кг салмақ дәрежесінде сынға түскен Давид Дегтярев алды. Ол осымен екінші мәрте Паралимпиа ойындарының чемпионы атанып отыр. 

 

 

Соңғы жаңалықтар