АҚШ барлық болат пен алюминий импортына баж салығын енгізеді

АСТАНА.KAZINFORM - Дональд Трамп барлық болат пен алюминий импортына 25 пайыздық баж салығын енгізетінін мәлімдеді, деп хабарлайды ВВС.

АҚШ президенті Дональд Трамп көршілерімен және әлеммен сауда соғысында жаңа қадам жасады: ол дүйсенбіде АҚШ-қа әкелінетін барлық алюминийі мен болатқа  25% мөлшерінде баж салы енгізілетінен жариялады. Ал тағы бір-екі күннен кейін америкалық өнімдерге баж салығын салатын елдерден әкелітентін тауарларға да баж салығын енгізбек.

Трамп журналистерге бұл жоспарлары туралы Флоридадағы үйінен Жаңа Орлеандағы Ұлттық футбол лигасының финалына бара жатқанда ұшақта айтқан.

Құрама Штаттарға болаттың ең ірі жеткізушілері көршілес Мексика мен Канада, ал Америка Құрама Штаттары ең көп алюминийді Канададан импорттайды.

Трамп өзінің бірінші президенттік мерзімінде Канада, Мексика және Еуроодақ болатына 25 пайыз, алюминийге 10 пайыздық баж салығын енгізген еді.

Бір жылдан кейін АҚШ Мексика және Канадамен бұл тарифтерді жою туралы келісімге келді. Еуропалық металдарға тарифтер 2021 жылға дейін күшінде болды.

Бірнеше күн бұрын Трамп Канада мен Мексикадан келетін барлық импортқа 25 пайыздық баж салығын енгізетінін мәлімдеді, бірақ сол елдердің басшыларымен сөйлескеннен кейін, ол олардың орындалуын 30 күнге кейінге қалдыруға келісті.

Трамп сонымен қатар Қытай импортына 10 пайыздық баж салығын енгізді. Қытай кейбір америкалық тауарларға жаңа тарифтер енгізді.

Трамп орта тап үшін бұрын-соңды болмаған төмен салық ұсынған еді.