14:54, 27 Наурыз 2024 | GMT +5
Ақтөбе әуежайының ұшу-қону алаңын су басып, рейстер кейінге шегерілді
АҚТӨБЕ. KAZINFORM – Ақтөбенің халықаралық әуежайы бүгін таңда жабылды. Қазір барлық рейс кейінге шегерілген.
Ұшу-қону алаңындағы тазарту жұмыстарына байланысты әуежай сағат 06:30–дан 17:00–ге дейін жабылды. Ішкі және халықаралық рейстер кейінгі шегерілді.
Олар:
- SCAT/DV496/ Ыстамбұл — Ақтөбе
- SCAT/DV1722/ Ақтөбе — Астана
- FLYARYSTAN/KC7191/ Алматы — Ақтөбе
- FLYARYSTAN/KC7192/ Ақтөбе — Алматы
- QAZAQ AIR/IQ399/ Астана — Ақтөбе
- QAZAQ AIR/IQ395/ Ақтөбе — Атырау
- QAZAQ AIR/IQ396 Атырау — Ақтөбе
- QAZAQ AIR/IQ400 Ақтөбе — Астана
- AIR ASTANA/KC863/ Алматы — Ақтөбе
- AIR ASTANA/KC864/ Ақтөбе — Алматы
- SCAT/DV5263/ Шарм — Эш — Шейх — Ақтөбе
- SCAT/DV5264/ Ақтөбе — Шарм — Эш — Шейх
- SCAT/DV721/ Астана — Ақтөбе
- SCAT/DV722/ Ақтөбе — Астана бағыттары.
«Рейстер сағат 21:00–ге дейін кейінгі шегерілді. Қазіргі кезде мұнда 60 адам судан тазарту жұмысын жүргізіп жатыр. Олардың арасында төтенше жағдайлар қызметі мен әуежай жұмысшылары да бар. Ұшу-қону алаңына ешқандай зақым келген жоқ», — деді Әлия Молдағұлова халықарылық әуежайының баспасөз хатшысы Жарас Ерғазин.
Айта кетсек, су басқан әуежайдың видеосы әлеуметтік желіде тарады.
