17:45, 23 Ақпан 2016 | GMT +5
Ақтөбе облысында «Қарабұтақ-Қостанай» жолы жабылды
АСТАНА. ҚазАқпарат - 23 ақпанда Ақтөбе облысында ауа райының нашарлауына байланысты республикалық маңызы бар «Қарабұтақ-Қостанай» жолы жабылды, деп хабарлайды ҚР ІІМ ТЖК-ның баспасөз қызметі.

«Ақтөбе облысында ауа райының нашарлауына байланысты (жаңбыр, көктайғақ) республикалық маңызы бар «Қарабұтақ-Қостанай» тас жолының 89-231 км, Комсомол ауылынан Қостанай облысының шекарасына дейінгі аралығында барлық автокөлік түрлерінің қозғалысы тоқтатылды», делінген хабарламада.