Ақтөбеде суға кеткен оқушының денесі төрт тәуліктен соң табылды

АҚТӨБЕ. KAZINFORМ – 16 жастағы бозбаланың денесі ауылдан шамамен бір шақырым қашықтықтан анықталды. 

Ақтөбе облыстық ТЖД баспасөз қызметінің хабарлауынша, жасөспірімнің денесін құтқарушылары тауып, алып шықты.

— Алдын ала мәлімет бойынша, бала суға құлап, Торғай өзенінің жанындағы су басқан аумақта батып кеткен. Іздестіру-құтқару жұмыстары бірнеше күнге созылды. Іздеу жұмыстарына ТЖД, полиция, жергілікті атқарушы орган қызметкерлерінен құралған 42 адам тартылды, — деп хабарлады облыстық ПД баспасөз қызметі.

Еске салсақ, Ырғыз ауданы Мамыр ауылында 16 жастағы оқушыны іздеу жұмысы шамамен 4 тәулікке созылды. Суға батып кеткен бозбаланы іздеуге қосымша күш жұмылдырылды.