Әлем чемпионатындағы ең қымбат құрама анықталды
АСТАНА. ҚазАқпарат - Қатарда өтіп жатқан әлем чемпионатында футболшылардың бағасына сараптама жасалып, ең қымбат құрама анықталды, деп хабарлайды ҚазАқпарат тілшісі.
Футбол статистикасына маманданған Transfermarkt порталының хабарлауынша, мундиальдағы ең қымбат команда - Англия құрамасы. Олардың жалпы бағасы 1 млрд 260 млн еуроны құрады. Аталған құрамадағы ең қымбат ойыншы - Гарри Кейн 100 млн еуроға бағаланған.
Екінші орында Франция тұр (953,5 млн еуро). Қымбат ойыншысы - Килиан Мбаппе - 160 млн еуро.
Ал Бразилия құрамасының бағасы 899,5 млн еуро деп есептелсе, Винисиус Жуниор 100 млн еуро тұрады.
Одан кейінгі орындардағы Испания - 798 млн, Германия - 728,5 млн, Нидерланды - 658,5 млн, Аргентина - 641,7 млн, Бельгия 465,5 млн еуро деп бағаланады.
Айта кетсек, бұған дейін әлем футболының жұлдыздары Лионель Месси мен Криштиану Роналду футболдан әлем чемпионаты финалдық сатысына бесінші мәрте қатысатынын жаздық.
Сондай-ақ, футболдан әлем чемпионатына қай команда көп ойыншы жіберген белгілі болды.
Еске салсақ, бүгін А тобында Сенегал - Нидерланды, В тобындағы Англия - Иран, АҚШ - Уэльс ойындары болады.
Фото: championat.com
