Алматыда қанша қонақ үй бар

АЛМАТЫ. KAZINFORM – Алматы қаласының Туризм басқармасы мегаполистің туристік инфрақұрылымы туралы деректермен бөлісті.

қонақ үй
Фото: Мақсат Шағырбаев/Kazinform

Басқарма мәліметіне сәйкес, 2024 жылдың 6 айының қорытындысы бойынша Алматыда 365 қонақ үй, 11443 нөмер және 22019 төсек-орын бар. Оның ішінде бес жұлдызды – 7, төрт жұлдызды – 15 және үш жұлдызды – 3. Белгілі бір санатқа кірмейтін қонақ үйлер саны – 207, сондай-ақ басқа типтегі (пансионат, лагерь) 133 нысан бар.

Сонымен қатар қалалық Туризм басқармасы биыл елімізге бірінші жартыжылдықта 222,8 мың турист келсе, оның 122,8-і Алматыға жол тартқанын хабарлады. Мегаполиске келетін негізгі шетелдік туристер:

1. Ресей Федерациясы – 35974

2. Қытай Халық Республикасы – 15880

3. Үндістан – 15041

4. Түркия – 8677

5. Америка Құрама Штаттары – 4923

Еске салайық, бұған дейін 2023 жылы шетелдік туристер Қазақстанда 2,3 млрд доллар қалдырғанын жазған едік. 

Соңғы жаңалықтар