Алматы мен Әбу-Даби арасында жаңа әуе рейсі ашылды
АЛМАТЫ. Ақпанның 12-сі. ҚазАқпарат /Ернар Бекен/ – 2008 жылғы желтоқсанның 2-нен бастап еліміздің Алматы мен Біріккен Араб Әмірлігінің Әбу-Даби қаласы арасында әуе рейсі қатынай бастады. Бұл жайында бүгін Etihad Airways авиакомпаниясының өкілдері мәлім етті,
деп хабарлайды ҚазАқпарат агенттігі. «Қазақстанның экономикалық дамуы мұнай саласындағы жетістіктермен байланысты болғандықтан, Қазақстан мен БАӘ арасындағы экономикалық қарым-қатынасты жақсарту өте маңызды. Біз осы Алматы?Әбу-Даби арасындағы әуе байланысы екі ел арасындағы экономикалық қарым-қатынасты дамытып, инвестиция, бизнес және туризм салаларында жаңа мүмкіндіктерге жол ашылады деп сенемін», дейді Etihad Airways авиакомпаниясының сауда және қызмет көрсету бойынша вице-президенті Хирт Бовен. Алматыдан БАӘ астанасына ұшу рейстері екі санат бойынша аптасына 4 рет жүзеге асады. Жолаушыларға А319 аэробусы қызмет көрсетеді, ондағы 104 орынның 20-сы бизнес санатқа жатса, 84 орын экономсанаттағы жолаушылар үшін. ЕҮ297 рейсі Алматы халықаралық әуежайынан әр сейсенбі, сәрсенбі және сенбі күндері аттанады. Әбу-Дабиден Алматыға қатынау да аталған күндері жүзеге асады. Айта кетелік, Etihad Airways ? Біріккен Араб Әмірлігінің ұлттық әуе тасымалдаушы компаниясы. Қазіргі уақытта аталған компания Таяу Шығыс, Еуропа, Солтүстік Америка, Африка және Азия мемлекетттері мен қалаларына 50-ден астам бағыт бойынша рейстер жасайды. Компанияның авиапаркінде 42 лайнер бар.
