Алматыда Халықаралық арбитраж және Аралық соты арбитрларының кездесуі өтуде
АТЫ. 17 наурыз. ҚазАқпарат /Ерлік Ержанұлы/ - Төреліктің тарихы тереңде жатыр. Сонау есте жоқ ескі замандарда-ақ біздің бабаларымыз дау-дамайды тәуелсіз тараптың қатысумен шешуге тырысқан.
Оған Билер соты нақты мысал бола алады. Бұл туралы бүгін Алматыда Халықаралық төрелік және ҚР Сауда-өнеркәсіп палатасының жанындағы Аралық сот арбитрларының кездесуінде айтылды.
"Қазақстан өз Тәуелсіздігін жариялағаннан кейін ҚР Сауда-өнеркәсіп палатасы алғашқылардың бірі боп Төрелік комиссия құрды. Одан кейін Халықаралық төрелік және Аралық соттар құрылды. Осылайша ҚР Сауда-өнеркәсіп палатасы республикадағы төрелік институттардың құрылуының басында тұрды. Ал 2010 жылы 22 шілдеде арбитрлер мен аралық сотдың жаңа реестрі бекітілді. Оған Қазақстаннан - 49, шетелдіктерден кәсіби заңгерлер енді", - дейді ҚР Сауда-өнеркәсіп палатасының президенті Ерлан Қожасбай.
Оның айтуынша, шетелдіктердің 16-сы Ресейден, 10-ы Қырғызстаннан, 8-і Өзбекстаннан, 5-еуі Қытайдан, 4-еуі Германия, Оңтүстік Корея, Үндістан, және Франциядан келгендер. Бұл кездесуге қазақстандық 25 арбитр қатысты. Оған сондай-ақ, Қырғызстан, Өзбекстан, Ресей, Үндістан және Франциядағы арбитрлар он-лайн жүйесі арқылы қосылды.
