Алматыда кезекші топтарға тек 1-2 сынып оқушылары қабылданады

АЛМАТЫ. ҚазАқпарат - Алматы қалалық білім басқармасы басшысының орынбасары Қайрат Жұманов мегополис мектептерінде кезекші топтар 1-2 сынып оқушылары үшін ғана ашылатындығын айтты, деп хабарлайды ҚазАқпарат тілшісі.

«Алматы қаласындағы эпидемиологиялық ахуал Денсаулық сақтау басқармасы мен СЭС бақылауында. Бүгінгі таңда жұмыс істейтін ата-аналардан кезекші сыныптарын ашу туралы өтініштер көптеп түсуде. Осыған байланысты барлық орта мектептерде 1-2 сынып оқушыларына «кезекші сынып» ашу туралы шешім қабылданды», - деді Алматы қалалық білім басқармасы басшысының орынбасары Қайрат Жұманов.

Арнайы түзету мектеп-интернаттарында да 1-ден 4-ке дейінгі бастауыш сыныптар үшін штаттық режимде жұмыс істеуге рұқсат етіледі.

«Кезекші сыныптарда» сабақтың ұзақтығы 40 минуттан аспайды.