Алматыда салынып жатқан 18 қабатты тұрғын үй өртенді
АЛМАТЫ. ҚазАқпарат - Алматы қаласының Бостандық ауданында құрылысы бітпеген көпқабатты тұрғын үй өртенді, деп хабарлайды ҚазАқпарат.
Өрт сөндіру қызметінің мәліметінше, Гагарин даңғылында орналасқан РК «Ордасы» ЖШС-ның ғимаратында жалын сағат 20.44-те тұтанған.
«Жалын 18 қабатты көппәтерлі тұрғын үйдің үш қабатында тұрған ағаш тұғырлардан шығып, 15 шаршы метр аумақты шарпыған. Өрт болған жерге 9 арнайы техника тартылды. Жалын 15 минутта толықтай сөндірілді», - деп хабарлайды ҚР ІІМ ТЖК.
Бастапқы болжам бойынша, өрт дәнекерлеу жұмыстары кезінде шыққан.
Оқыс оқиғадан ешкім зардап шекпеді.
Автор Әсел Асанова
