Алматыдағы ЕҚЫҰ-ға мүше мемлекеттер сыртқы істер министрлерінің бейресми кездесуінде бірқатар өзекті мәселелер талқыланатын болады - Өзбекстандағы ҚР елшісі

ТАШКЕНТ. Шілденің 9-ы. ҚазАқпарат /Құрмат Самархан/ - Алматыдағы Алатау бөктерінде шілденің 16-17-сі күндері ЕҚЫҰ-ға мүше мемлекеттер сыртқы істер министрлерінің бейресми кездесуі өтеді деп жоспарланып отыр. Бұл туралы жұма күні, шілденің 9-ында шетел және өзбек БАҚ қатысуымен өткен брифингіде ҚР Өзбекстандағы Төтенше және Өкілетті елшісі Бөрібай Жексембин мәлім етті.

Дипломатиялық миссия басшысы атап өткендей, аталмыш бейресми кездесу барысында бірқатар өзекті мәселелер талқыланатын болады. Біріншіден, бұл - ЕҚЫҰ кеңістігіндегі біртұтас қауіпсіздік пен бірлікті нығайту тұрғысындағы «Корфу» үдерісінің әрі қарайғы дамуы.

Екіншіден - Ауғанстандағы жағдайды тұрақтандыру.

Үшіншіден, ЕҚЫҰ, сондай-ақ басқа да халықаралық ұйымдардың араласуын қажет ететін Қырғызстандағы шиеленіскен жағдай.