Арал өңірі күріш зерттеу институтына биыл жаңа сорттар дайындау үшін 75 млн. теңге қаржы бөлінді
ҚЫЗЫЛОРДА. Шілденің 12-сі. ҚазАқпарат (Руслан Игілік) - Биыл Қызылорда облысында бұрын-соңды болмаған жағдай орын алды - облыстық бюджет республикалық ғылыми-зерттеу ғылыми орталығына 75 млн. теңге қаржы бөлді. Бұған қоса тағы 25 млн. теңгеге мемлекеттік тапсырыс орналастырылды.
Мұның бәрі Арал өңірі күріш зерттеу-ғылыми институтына күріштің жаңа мықты тұқымдарын шығаруға негіз қалау үшін беріліп отыр. Ол ең алдымен күріштің өзіндік құнын төмендетуге бағытталуы тиіс. Жалпы, қызылордалық институттың ғалымдары алдағы 2012-2013 жылдары жалғыз күріш қана емес, дақылдың барлық түрлері бойынша жаңа тұқымдар даярлауға жегілмекші.
