Аралда «Мереке» атты балалар бақшасы күрделі жөндеуден өтті - Қызылорда облысы

ҚЫЗЫЛОРДА. 18 қаңтар. ҚазАқпарат /Жаңагүл Сердалы/ - Қызылорда облысы Арал қаласында «Мереке» атты балалар бақшасы күрделі жөндеуден кейін қайтадан бүлдіршіндерді қабылдай бастады. Бұл жұмыстарға «Жол картасы» бағдарламасы шеңберінде облыстық бюджеттен 65 098 мың теңге қаржы бөлінген еді.

Ішкі құрылымы жаңа жабдықтармен жабдықталған балалар бақшасы, 280 баланы қабылдауға мүмкіндік алды. Қазір мұндағы 5 топта 75 бала тәрбиеленуде. Олардың ойын бөлмесі мен жатын орындары жылы. Асхана да мұнтаздай тап-таза.