Арменияның бұрынғы президенті Роберт Кочарянға елден шығуға тыйым салынды
АСТАНА.KAZINFORM - Арменияның екінші президентінің кеңсесі Роберт Кочарянға Ереванның «Звартноц» әуежайы арқылы елден шығуына тыйым салғанын растады.
Кеңсе мәліметінше, Армения альянсының жетекшісі, бұрынғы президент Роберт Кочарян саяси немесе кәсіби қызметіне қатысы жоқ қысқа мерзімді жеке сапар жоспарлаған.
Сонымен қатар Армения премьер-министрі Никол Пашинян әлеуметтік желілерде жарияланған видео хабарламасында оппозициялық күштердің 7 маусымдағы парламент сайлауы кезінде сайлаушыларды сатып алуға тырысқанын айтты.
Ол сондай-ақ кінәлілер заңға сәйкес жазаланатынын атап өтті.
Бұған дейін Армения Республикасының Орталық сайлау комиссиясы парламент сайлауының соңғы нәтижелерін жариялағаны, оған сәйкес Никол Пашинянның Азаматтық келісім партиясы (дауыстардың 49,745%), Самвел Карапетянның «Күшті Армения» блогы (23,271%) және Роберт Кочарянның «Армения» блогы (9,923%) Ұлттық жиналысқа кіргені туралы хабарланған болатын.
