Аружан Сағындықова Үндістандағы жарыстың жартылай финалына өтті

АСТАНА. KAZINFORM — Қазақстандық теннисші, 21 жастағы Аружан Сағындықова жұптық сында Ахмедабад (Үндістан) ITF W15 турнирінің жартылай финалына шықты.

Доданың 2-ракеткалары А.Сағындықова – ресейлік Мария Головина ширек финалда таиландтықтар Лунда Кунхом – Танучапорн Йонгмодқа тап келді.

Бірінші партия 6:2 есебімен Аружан мен Марияның пайдасына шешілді. Екінші сетте де олар басымдылық танытты - 7:5.
Қазақстандық-ресейлік дуэт финалға шығу үшін үндістандықтар Иенси Дипакай Канабар - Ангел Пателмен таласады.

Олар үндістандықтар Сонай Патил – Бела Тамханкарды жолдан тайдырды - 6:2, 6:3.

Еске сала кетейік, бұдан бұрын Аружан Сағындықованың Үндістандағы турнирдің ширек финалына шыққанын жазған едік.