Әсет Исекешев Шығыс Қазақстан облысы активімен кездеседі
ӨСКЕМЕН. ҚазАқпарат - Бүгін Өскеменде облыс активінің ҚР Премьер-Министрінің орынбасары - Индустрия және жаңа технологиялар министрі Әсет Исекешевпен кездесуі күтілуде.
Облыс әкімінің баспасөз қызметінен хабарлағандай, активпен кездесу алдында Ә.Исекешев толық циклды «Азия Авто Қазақстан» АҚ автокөлік зауытының құрылыс алаңдарында, « ПОСУК Титаниум» БК ЖШС, сонымен бірге «Айтас МП» ЖШС-де болады.
Облыс активімен өтетін кездесу барысында ҚР Президентінің елдің үдемелі индустриялық-инновациялық дамуы бойынша Жолдауда жүктеген міндеттерін талқылау жоспарлануда. Сонымен бірге, елдің индустриялық ведомство басшысының қатысуымен туризм және жер қойнауын пайдалану бағытында екі меморандумға қол қою көзделіп отыр.
