Ашхабадта наурыз айының ортасында рекордтық температура тіркелді

АШХАБАД. KAZINFORM - Ашхабадта 17 наурызда ауа температурасы +30°С-қа жетті. Бұл — бұған дейінгі метеорологиялық бақылаулардың бүкіл кезеңі үшін ең жоғары көрсеткіш, деп хабарлады Turkmenportal. 

Бұған дейінгі 17 наурыздағы температура рекорды 1974 жылы тіркеліп, +29°C болған. 

Тарихи деректерге сүйенсек, Түрікменстан астанасында наурыз айындағы абсолютті температура максимумы 2010 жылы тіркеліп, +38,6°С-ты құрады. 

Ауа райы болжамы бойынша, Ашхабадта +30°С-тан жоғары ыстық ауа райы 19 наурызға дейін сақталады. 

Түрікменстанның екі аймағында – Балқан және Ахал облыстарында көктемнің бірінші айында қалыптан тыс жоғары температура байқалады. Балқан облысының оңтүстігінде де ауа температурасы +30°С-тан асты. Эсенгулы ауылында ауа райы +32,3°С-қа дейін жылыды.

Еске сала кетейік, Биыл Жаңаөзен-Түрікменстан жолы орта жөндеуден өтеді.