Астана әкімі ҚР Конституциясы күніне орай мерейтойлық медальдар табыстады (ФОТО)

АСТАНА. ҚазАқпарат - Еліміздің бас заңының 20 жылдығына орай Мемлекет басшысы Нұрсұлтан Назарбаевтың Жарлығымен Қазақстанның тәуелсіздігін нығайтуға сүбелі үлес қосқан елорданың 400 тұрғыны мерейтойлық медальдермен марапатталды.

Бүгін Мемлекет басшысы атынан Астана әкімі Әділбек Жақсыбеков мемлекет және қоғам қайраткерлеріне, ардагерлерге "Қазақстан Контитуциясына 20 жыл" мерейтойлық медальдарын табыстады. - Конституция ауызбіршілік орнатып, халықтың ынтымақтастығын нығайтушы негізге айналды. Әрқайсыңыздың мемлекет Тәуелсіздігін нығайтып, азаматтардың конституциялық құқығын қорғауға, сонымен қатар Астананың дамуына қосқан үлестеріңіз ұшан-теңіз. Мемлекет басшысы атынан барлықтарыңызды Конституцияның 20 жылдығымен шын жүректен құттықтап, сіздерге денсаулық, бақыт тілеймін, - деді әкім.