Астана — Ларнака бағытында тікелей рейстер ашылды
АСТАНА. KAZINFORM — 2 маусымнан бастап Air Astana әуекомпаниясы Астана — Ларнака бағыты бойынша тікелей рейстерді іске қосты. Бұл туралы Нұрсұлтан Назарбаев әуежайының баспасөз қызметі мәлім етті.
Рейстер аптасына 2 рет — сейсенбі және сенбі күндері орындалады.
— Ұшу бағдарламасы 2026 жылдың қыркүйек айына дейін жалғасады. Ұшу уақыты шамамен 5–6 сағатты құрайды. Жаңа бағыт жолаушыларға Жерорта теңізі жағалауындағы танымал курорттардың біріне ыңғайлы әрі жайлы сапар жасауға мүмкіндік береді, — делінген хабарламада.
Айта кетейік, келесі жылдан бастап Гонконг пен Алматының арасында тікелей әуе рейсі қатынайды.
Бүгін сондай-ақ Кипрмен әуе қатынасы ашылатыны хабарланды.
