Астана су қоймасында күшті жел алып кеткен 2 серфингші құтқарушыларды шақыруға мәжбүр болды
АСТАНА. KAZINFORM - Ақмола облысы Аршалы кентіндегі Астана су қоймасында серфинг теуіп жүрген екі жігіт құтқарылды, деп хабарлайды ҚР Төтене жағдайлар министрлігінің баспасөз қызметі.
Баспасөз қызметінің мәліметтеріне қарағанда олар 1997 және 1998 жылы туған екі жігіт күшті жел салдарынан өз бетінше жағаға қайта алмай қалған және, 112 нөмірі арқылы көмек сұраған.
- Оқиға орнына жедел жеткен құтқарушылар оларды жағадан 20 метр қашықтықта тауып, аман-есен жағаға жеткізді. Оларға медициналық көмек қажет болған жоқ,-делінген хабарламада.
ТЖМ азаматтарды су айдындарында қауіпсіздік шараларын сақтауға шақырады.
Осыған дейін құтқарушылардың Бозжыра маңында балшыққа батқан екі туристік автобусты шығарғаны туралы жаздық.
