Астанада 300-ге жуық бала дельфиндер шоуын тегін тамашалады

АСТАНА. ҚазАқпарат - Ел Тәуелсіздігінің 25 жылдығын мерекелеу шеңберінде Астана қаласының Алматы ауданы әкімдігі «Дельфинарий» аквакешенімен бірлесіп 290 балаға арнап қайырымдылық шарасын өткізді.

Теңіз сүтқоректілерінің шоуына балалар үйінің тәрбиеленушілері мен мүмкіндігі шектеулі балалар шақырылды. Қойылым бағдарламасында афалин-дельфиндерінің, теңіз мысықтарының, ақ поляр китінің трюктері жасалды.

Акция ұйымдастырушылары сенбі күні тағы 290 бүлдіршінге жарқын бағдарлама ұсынып, көңіл-күйлерін көтермек.