Астанада Елбасы туралы кітаптың таныстырылымы өтуде
АСТАНА. ҚазАқпарат - Астанадағы Оқушылар сарайында Ұлт көшбасшысы - Қазақстан Республикасының Тұңғыш Президенті Нұрсұлтан Назарбаев туралы «О Великой жизни» - «Ұлы адам туралы ұлағатты кітап» атты кітабының тұсаукесері өтуде, деп хабарлайды ҚазАқпарат.
Бұл кітап - Тәуелсіз Қазақстан тарихындағы Мемлекет басшысы туралы алғашқы кітап әрі ол жоғары сынып оқушылары мен кәсіптік-техникалық училищелердің білім алушылары үшін дайын оқулық болып табылады.
Кітап авторы - Ресей Федерациясының еңбек сіңірген мәдениет қайраткері, тарихшы, жазушы, публицист Зенькович Николай Александрович.
Н. Зенькович көрнекті мемлекет және қоғам қайраткерлері, саяси көшбасшылар, басқа да біртуар тарихи тұлғалар жайлы 30-дан астам еңбектің авторы.
Шара барысында автор кітап жазуға түрткі болған негізгі идея жөнінде, Мемлекет басшысының өміріндегі басты оқиғалар жайлы айтып береді.
